Ներկայացվել է թարմացված BYD Han-ը։ Հենց գործարկման օրը արվել է 8000 պատվեր։

Tesla-ի կողմից այս տարվա սկզբին սկսված գնային պատերազմի պայմաններում BYD-ը փորձում է պահպանել իր տեղը լավագույն վաճառողների ցանկում և ներկայացնում է նորացված մոդելներ՝ նոր, ավելի ցածր գներով՝ հաճախորդներին գրավելու համար:

BYD Seal-ի վերջին թարմացումից հետո ընկերությունը թողարկել է թարմացված Han՝ 4-դռնանի սեդան:  
Երեկ թողարկվել է երկու նոր տարբերակ՝ Han DM-i Champion-ը՝ սկսած 189,000 յուանից (26,900 դոլար) և Han DM-p Warrior, հասանելի է միայն մեկ տարբերակով՝ 289,000 յուան (41,170 դոլար):

Այդ գները զգալիորեն ցածր են, քան նախորդ մոդելները։

Նոր Han DM-i Champion-ն ունի միայն մեկ էլեկտրական շարժիչ՝ զուգակցված փոքր մարտկոցի և բենզինի գեներատորի հետ, մեքենան կարող է 0-ից մինչև 100 կմ/ժ արագություն զարգացնել 7,9 վայրկյանում։  Գոյություն ունեն մարտկոցի երկու տարբերակ՝ 120 և 200 կմ հեռահարությամբ՝ մաքուր էլեկտրականությամբ:

Ավելի մեծ մարտկոցի մոդելի ընդհանուր հեռահարությունը 1260 կմ է՝ համաձայն NEDC վարկանիշի:

Han DM-p Warrior-ն ունի երկու էլեկտրական շարժիչ՝ կապված ավելի մեծ հզորության մարտկոցի հետ:  Այս մոդելը 0-ից 100 կմ/ժ արագացնելու համար պահանջում է ընդամենը 3,7 վայրկյան, սակայն դրա ընդհանուր հեռահարությունը մի փոքր ավելի քիչ է՝ 1120 կմ, իսկ մեկ մարտկոցի հեռահարությունը մնում է 200 կմ:

Ավելի ցածր գներով թարմացված մոդելներ ներկայացնելու BYD-ի ռազմավարությունը կարծես թե շատ լավ է աշխատում:
Ընկերությունն այսօր առավոտյան հայտարարեց, որ ստացել է նոր Han-ի 8051 պատվեր այն բանից հետո, երբ մեքենան ներկայացվել է հենց երեկ կեսօրին: 
Պատվերների ավելի քան մեկ երրորդը կատարվել է ավելի մեծ մարտկոցով մոդելի համար