Կթողարկվի Bentley-ի առաջին էլեկտրական մեքենան՝ ինքնավար վարման տեխնոլոգիայով.

Բրիտանական AutoCar հրատարակության հետ զրույցում Bentley-ի գործադիր տնօրեն Ադրիան Հոլմարկը հաստատել է, որ բրիտանական ապրանքանիշի առաջին էլեկտրական մեքենան սկզբում կառաջարկի մասնակի ինքնավար վարում մայրուղիներով:

Հոլմարկը նաև հաստատել է, որ Bentley-ն կօգտագործի Mobileye SuperVision տեխնոլոգիան։
SuperVision համակարգը ներառում է 11 տեսախցիկ և կօգտագործվի նաև առաջիկա Porsche Macan էլեկտրական մեքենայի վրա:

Bentley-ի առաջին էլեկտրական մեքենան կունենա մինչև 1400 ձիաուժ և կկարողանա 60 մղոն/ժ արագություն զարգացնել ընդամենը 1,5 վայրկյանում:
Հոլմարկը նաև ակնարկել է Bentley-ի առաջին էլեկտրական մեքենայի «ավելի դանդաղ տարբերակի» մասին, որն այն հաճախորդների համար է, ովքեր գտնում են, որ 1400 ձիաուժ հզորությամբ տարբերակը անիմաստ է:

Bentley-ն 2025-ից 2030 թվականներին ամեն տարի նոր էլեկտրական մեքենա կթողարկի։ 
Շքեղ մեքենաների արտադրողը նաև ավելի քան 3 միլիարդ դոլար է ներդնում իր Crewe գործարանում՝ այն ամբողջությամբ վերակառուցելու էլեկտրական դարաշրջանի համար։

Բրիտանական մեկ այլ հայտնի շքեղ  ավտոարտադրող՝ Rolls-Royce-ը, նույնպես պատրաստվում է այս աշնանը թողարկել իր առաջին էլեկտրական մեքենան:

Spectre կոչվող շքեղ կուպեն հիմնված է նույն հարթակի վրա, ինչ ներքին այրման շարժիչները՝ Phantom-ը և Cullinan-ը:
Spectre-ն ունի երկշարժիչի դասավորություն և սնուցվում է 120 կվտ/ժամ մարտկոցով: Էլեկտրական երկդռնանի մեքենան կունենա 310 մղոն արագություն և 0-60 մղոն/ժ արագացում 4,4 վայրկյանում։