Էլեկտրական մեքենաների ծնունդն ու պատմությունը Մաս 3

Շատերը չգիտեն, որ 20-րդ դարի սկզբին ճանապարհներին ավելի շատ էլեկտրական մեքենաներ կային, քան բենզինով աշխատող մեքենաները:

Էքոմոթորսը Ձեզ է ներկայացնում էլեկտրական մեքենաների՝ հետաքրքիր, շրջադարձերով լի պատմությունը, ներկա վիճակը և ապագայի կանխատեսումները:
1970-ականներին աշխարհում տեղի ունեցավ էլեկտրական մեքենաների կարճատև վերածնունդ:

Մերձավոր Արևելքից նավթի մատակարարումները ընդհատվեցին 1973 և 1979 թվականներին քաղաքական հակամարտությունների պատճառով, ինչը հանգեցրեց բենզինի գնաճի՝ խթանելով այլընտրանքային վառելիքի նկատմամբ հետաքրքրությունը։

Նորից սկսվեց էլեկտրական մեքենաների փոքրածավալ արտադրությունն ու զարգացումը։

General Motors-ը նույնիսկ մշակեց  քաղաքային էլեկտրական մեքենայի նախատիպը, որը ներկայացվեց  1973 թվականին։

Բայց, քանի որ նավթի գները դանդաղորեն իջնում էին, էլեկտրական մեքենաները կրկին անկում ապրեցին: Նրանց կապարաթթվային մարտկոցները պարզապես չէին կարող մրցել բենզինային մեքենաների հետ:

1990-ականներին բարելավված, վերալիցքավորվող լիթիում-իոնային մարտկոցները սկսեցին փոխարինել կապարաթթվային մարտկոցներին։

Ավտոարտադրողները սկսեցին  փոփոխել իրենց գործող ավտոմեքենաների մոդելները՝ ստեղծելով նմանատիպ արագություններով և կատարողականությամբ էլեկտրական մեքենաների տարբերակներ:

Ճապոնական Toyota արտադրողը 1997 թվականին ստեղծեց աշխարհում առաջին զանգվածային արտադրության հիբրիդային մեքենան՝ Toyota Prius-ը: Այն ընդունվեց բազմաթիվ հայտնի մարդկանց կողմից և հասավ առևտրային կենսունակության:

2008-ին Իլոն Մասկի ավտոմոբիլային Tesla Motors ընկերությունը հարմարեցրեց  իր տեխնոլոգիան՝ թողարկելու աշխարհում առաջին զանգվածային արտադրության, ամբողջությամբ էլեկտրական մեքենան՝ օգտագործելով անվտանգ լիթիում-իոն  մարտկոցներ: 
Ունենալով գրավիչ շասսի և մեկ լիցքավորման դեպքում 320 կմ հեռահարություն՝ Tesla Roadster-ը շրջադարձային կետ էր էլեկտրական մեքենաների շուկայում:

2010 Mitsubishi i-MiEV-ը թողարկվեց Ճապոնիայում։

Նույն տարի թողարկվեց Nissan Leaf-ը։

2021 թվականին Tesla-ն ամբողջ աշխարհում վաճառեց 1 միլիոն էլեկտրական մեքենա, իսկ ընկերության շուկայական կապիտալիզացիան գերազանցեց 1 տրիլիոն դոլարը՝ ավելին, քան Toyota-ի, Volkswagen-ի, Daimler AG-ի, Ford-ի և General Motors-ի ընդհանուր արժեքը:

Սկիզբը այստեղ՝

https://ecomotors.am/#/blog/elektrakan-meqenaneri-tsnvoundy-ev-patmvouthyvouny-hayacq-depi-ancyal-mas-2

Շարունակելի…