BYD-ի և Mercedes-Benz-ի վեց էկրանով, նոր գաղափարն արդեն դարձել է հիթ:

Denza N7-ի համար հավաքվել է ավելի քան 20,000 նախնական պատվեր:

Denza N7-ը պաշտոնապես վաճառքի կհանվի այս ամսվա վերջին՝ երկու կոնֆիգուրացիաներով։

Հիշեցնենք, որ Denza-ն BYD-ի և Mercedes-Benz-ի համատեղ ձեռնարկությունն է:

Սա ապրանքանիշի երկրորդ մեքենան է, որը հիմնված է BYD 3.0 էլեկտրական հարթակի վրա:

Այն հինգ տեղանոց միջին չափի քրոսովեր է, մեքենայի չափսերն են՝ 4860 x 1935 x 1602 մմ, անիվի բազան՝ 2940 մմ: Մեքենան ստացել է մեծ համայնապատկերային տանիք, դռների հետ քաշվող բռնակներ և ընդհանուր հետևի լույս:

Մեքենայի համար նախատեսված 91,392 կՎտ/ժ հզորությամբ լիթիումի երկաթ ֆոսֆատ մարտկոցը արտադրված է FinDreams Industry-ի կողմից, որը BYD-ի դուստր ձեռնարկությունն է:

Առջևի քարշակով մոդելն ունի 702 կմ հեռահարություն, իսկ լիաքարշակ մոդելը՝ 630 կմ: Առավելագույն արագությունը 180 կմ/ժ է։

Մեքենան համալրված է նաև BYD-ի արագ լիցքավորման վերջին տեխնոլոգիայով, որը թույլ է տալիս մինչև 350 կմ հեռահարություն ընդամենը 15 րոպե և մինչև 100 կմ հեռահարություն՝ ընդամենը 4 րոպե լիցքավորման ընթացքում:

Ինտերիերը պատված է Nappa կաշվով, ներսում կա վեց էկրան՝ մինչև 17,3 դյույմ անկյունագծով և պրոյեկցիոն դիսփլեյ։

Հետագայում նախատեսվում է Denza-ի սեփական մշակման ծրագրային մասը փոխանցել Huawei HarmonyOS-ին, որը Չինաստանում արագ տարածում է գտնում։